話說我係某大嘅一個year3，讀緊文科嘅學生，咁岩學到一科嘅主題係講marginality，中文即係邊緣化，喺哲學嘅角度來講，就係一個個體，或者一班人受到邊緣化，而誘因有好多。

 

好啦，重點黎啦▶️▶️▶️▶️

話哂呢個page係講情侶野，好幸運開左幾個月，已經儲落一D忠實fans🤤，有時會有互動，私底下DM我地，真係好想藉住呢個機會多謝各位讀者😳😭😭男人婆表示真係真係好感動好開心！好啦，咁岩幾個月前其中一位讀者投稿，係講佢對性嘅煩惱，同我地講佢同佢女朋友對性、同對睇AV嘅睇法存在分歧。於是，我諗起「性」呢一方面，原來都存在住marginality。為左證實我嘅講法，就緊係要做test啦！而今次要做測試嘅主角，就當然係我地——我同176cm白痴仔啦。個主題，登登登登。。。。就係 A！片！

 

我發現嗰位讀者，同我呢個男人婆都有呢方面嘅疑問（疑問少女mode on）：

🧐點解唔可以同其他人講自己會睇AV嘅？

🧐點解AV拍攝內容大部分都係男人做主導，搞到感覺上佢地係being dominant嘅？

🧐男仔睇AV就等如羞恥、鹹濕、性慾強嘅？

 

為左搵出原因黎答以下問題，我地決定。。。

真 ！人 ！現！ 身！做！實！測！

 

🍆 💦 🍆 💦 🍆 💦 🍆 💦 🍆 💦 🍆 💦 

哈哈，唔知你地諗嘅「實測」係咩啦，而我地今日，就決定睇A片😬

我地有幾樣測試嘅：

A) 自己睇A片嗰陣（各有20分鐘時間睇），另一半係在場，知道對方睇緊A片的。事後我地會訪問番對方嘅感受同問一d同A片相關嘅問題。

 

B）一齊喺某A片網站，搵最近兩日出片嘅量，再睇下呢d片嘅主題，做番一個statistic出黎（大概）。

 

🍆 💦 🍆 💦 🍆 💦 🍆 💦 🍆 💦 🍆 💦

實測內容同結果

 

事不宜遲，我地開始啦！

首先，大家可以望望呢3張相，（為保護當時人，已經冇露到樣hehe🙈只有玉腿和玉背🤤🤤 ），呢d我地做緊測驗嘅情況同花絮啦。

 

A)

我地都做完測試之後，分別問左對方10條問題，以下會做一個概括。

 

我地集以為常覺得睇A片「好污糟好核突」而唔敢同人講、或者分享自己嘅性需要。我地喺實測後問左對方一d問題，好巧合地好多地方都相似。例如我地會覺得有其他人喺附近，仲要知道自己睇緊AV，心情好奇怪，睇得好唔舒坦，好似有人知自己嘅秘密咁，結果係focus唔到喺A片度。同時，我地都覺得，播播下好大聲嗰陣，會覺得超尷尬，會即刻較細聲d，又會偷望隔離嗰個人聽唔聽到🤣。一句講哂，當場比人知自己睇A片，感覺好 不 爽🙁🙁！中國有一句諺語：「獨樂樂，不如眾樂樂」話哂大家都係因為舒服、開心、滿足先會走去睇A片架麻，係咪先？咁點解我地唔可以開心見誠咁一齊睇，而要獨自一個happy呢？

 

我搵番一d reading,一位好出名嘅女權主義電影理論家叫Laura Mulvey ，佢嘅一篇著作”Visual Pleasure and Narrative Cinema" （1975) 入面有提到Scopophilia，中文即係窺陰癖，不過最一開頭帶出呢個理論嘅係弗洛伊德。呢個理論想講嘅係，原來不論係男係女，都會有窺陰癖架，代表佢地都會想偷偷地，唔俾人知咁睇性。

 

而岩岩所講嘅Mulvey，佢提出電影提供觀者2種互相矛盾嘅視覺享樂，我喺呢度會講其中一種。佢話人類好享受將他者化為被凝視(being gazed)的客體，並用其凝視控制客體。喺呢度，「電影」嘅意思，唔只係講緊一部部電影，仲會講埋睇電影嘅氣氛，即係喺戲院睇戲嗰陣，成個場地好黑，黑到只會見到個大screen睇到電影，同時連坐喺你隔離嗰個嘅動作、眼神、感受都好難睇得到。咁樣就正正create到一個空間出黎，令觀眾當正戲院得自己一個咁，好舒服咁睇一d畫面，尤其是性嘅場面。因為一個人類本身已經有窺陰癖，會想睇性，睇完會好開心，但又怕俾人知喎，所以最好就係用睇劇嘅氣氛，遮蓋自己的窺陰癖。

 

相反地，我地呢個實測塑造嘅環境正正同戲院相反。我地日光日白下，俾第三者見到自己睇緊有性畫面嘅片，所以就自然喎會舒服，同有我地上述所講嘅奇怪感受啦。

 

🍆 💦 🍆 💦 🍆 💦 🍆 💦 🍆 💦 🍆 💦

 

B）

我地最後用左3個幾鐘先整好個數據，嗚😭😭😭（176cm白痴仔向我表示：第一次睇到唔想睇A片😳）喺呢度都要多謝你，幫我完成份功課🥺❤️❤️❤️冇左你，成份功課嘅結果就可能唔同，只會變左喺女仔一個角度出發。

 

好啦，我地會喺呢度講埋個結果出黎。我地睇左一個AV網站（This AV）睇番由2020年4月16日至18日期間上載嘅A片，（疫情期間，目測好似多左upload嘅片🤣，所以set左2日only）當中我地分類左成十幾種題材，分別有強姦、素人（同陌生人發生性行為）、情侶、野外、神奇車（即係出面睇唔到入面做緊咩嘅透明玻璃車）、穿越、亂倫、為錢而做性行為、師生、上司下屬、時間停止、男男、女女等等。

 

睇左咁多套（當然都會參考搜索出嚟結果嘅數目），最多嘅係普通情侶片 （23.7%），跟住就係強姦片（21.1%）同野外（14.4%），其他就比率較細，唔一一喺度列哂出黎。呢一個結果我地並唔驚訝，只係我地發現左呢幾點：

 

1. 大部分A片focus嘅係女性嘅畫面，男性嘅樣貌、表情只會輕輕帶過。什至一套AV嘅封面，都係女性擺性感嘅post、露出姣好嘅身形，鮮有係男性同女性一齊喺封面入面，呢一d愛情動作片嘅行業，似乎係女性being marginalised。好似日本咁，唔單止係「porn」呢一樣野令女仔being marginalised，例如要女性一定要配合男性，女性會被強姦，佢地冇得反抗等等，再睇得個畫面闊d，基本上成個AV行業都出左好多女優，而買AV 帳號，做女優fans嘅，都係男性。喺A片入面，主要都係男性觀眾主動去睇女性（AV女優），咁就存在住male gaze，即係男性有能力去凝視電影入面嘅女性，呢d喺畫面上嘅女性，又好自願去做被凝視（being gazed）嘅個體。唔單止係日本AV，好多國際級荷里活電影都有以上情況，女性好主動去做被凝視嘅對象。呢個時候就可以睇得出：porn industry其實係以男性做主導，出現左女性被marginalized嘅情況啦。

 

拿拿拿，但係要注意番喎，雖然個名，話就話係male gaze，但唔係真係性別定型喎！即係男人婆我本身腳又粗，個人又矮咁😥所以我好中意睇Kpop女團架，少女時代呀、Tara雖之類（暴露年齡系列🤭）佢地個樣又靚，身材又好，腳又長，睇到人賞心悅目。而喺我（作為一個女性）睇佢地跳舞、表演片嗰陣，我望住佢地嘅時候都係一種Male gaze黎架！

 

2. 咁女性係咪又係唯一被marginalised 嘅對象呢？我睇又唔係喎。平時我地成日覺得自己嘅男朋友、男仔friend好咸濕，因為我地會將男人=會睇AV嘅人=咸濕，即係根深蒂固地潛意識咁認為男仔睇AV就係咸濕就係核突。想信大部分女讀者們，什至好多女性都會咁諗，但其實呢一個意識、呢一個general assumption已經係令男性being marginalised. 好多男性都會透過睇A片黎解決生理需要、自慰。佢地會透過睇A片黎滿足自己嘅性慾。咁點解一樣咁簡單咁普通嘅事，要被女性稱為「咸濕」，一個頗為負面嘅字眼呢？同埋，女仔都可以睇AV架喎，有時我都會因為解決生理需要而睇。咁樣就代表女性好淫好咸濕啦咩？另外，睇A片唔單止係普通人嘅本能去滿足性慾，有d人本身已經有性癖好，即係Laura Mulvey 喺”Visual Pleasure and Narrative Cinema" （1975)所提及嘅Scopophilia. 例如SM（性虐戀）、亂倫。又或者佢地會幻想天馬行空嘅性劇情。喺以上種種情況下，AV其實好重要。佢俾左一個渠道人去發洩一D平日文明社會受列規限嘅道德觀念同價值，或者係一D冇乜可能發生嘅事。

 

🍆 💦 🍆 💦 🍆 💦 🍆 💦 🍆 💦 🍆 💦

總括黎講，男女都有性慾。我覺得成個色情行業（porn industry）都令女性被marginalised. 同時，喺我地嘅思想入面，將男性聯想到睇AV就標籤佢哋係咸濕、好色一d帶有負面色彩嘅字眼，喺呢個情況下，男性就被marginalised 啦。

 

不過，正如我上述所舉嘅例子，A片其實係好有用架。今時今日香港人，好多都對性觀念好保守，歸根究底都係因為香港嘅性教育做得唔好，大人同老師好避忌同小朋友講解性知識，久而久之小朋友長大之後就會覺得性係唔講得人知嘅秘密、係禁忌嘅話題等等。所以，我都明白點解好多絲打都有general assumptions ，成日會嫌男朋友睇AV，覺得咁樣就等如好咸濕好曳曳，但咁係絕對唔正確架！

 

希望你地睇完呢一個post，會對A片有另一種睇法啦：）❤️❤️❤️